مر و الرموز القادة لا يزالون في قبضة السجان الخليفي|| الوصلة الغير مغلقة للموقع هي bahrainonline.petrix.net

الصفحة 1 من 2 12 الأخيرةالأخيرة
عرض النتائج 1 إلى 15 من 26

الموضوع: تجهيزات عروس ياصبايا ابي مشورتكم

  1. #1

    Exclamation تجهيزات عروس ياصبايا ابي مشورتكم

    بسم الله الرحمن الرحيم
    السلام عليكم
    ومبارك عليكم نص الشهر << بعد مايصير نقول الشهر لانه وصلنا النص
    والله يعودكم ويعودنا بالصحة والعافيه


    ادري انه في مواضيع تفيديني وقريتها كلها بس بعد عندي جم استفسار ياريت تفيدوني يابنات
    نجي للبدايه
    وين اروون عندي لش سؤال
    اذكر مره خليتي تجهيزات وتغيرات خطوبه صاحبتج في صاله شهرزاد ابي اعرف من وين اتأجرتوا اللي خليتوه في ممر العروس وبكم سعر الاجار له
    وشنو رايكم بقصر المرجان مارحتها بس شفت صورها والاكل مابي من عندهم واللي عنده فكره عن اسعارهم

    الصالون وين احسن برايكم لعروس فستان ابيض مابي ميكب مكان وشعر مكان لانه تعب
    شفت شغل الميكب لنهاد وعايشه لبلوشي في رونق ووحيده وفتيحه للشغر والفلبينه
    شفت شغل فردوس وبنتها زينب وشغل الشعل بدور في الصالون عندهم
    سلوى للعاريس مكيبها شفته بعد
    صفيه شويطر شفت شغلها بعد للميكب
    صفاء اللي في مدينه عيسى بعد
    ابي اعرف برايكم واللي شفتوه من احسن واحلى شيء
    فردوس توني الشهر اللي طاف ملجة رفيقتي وخطوبتها راحت واذا رحت بتسوي لي تخفيض لانه بنتها رفيقة الدراسه واذا قلت لها اكيد بتتحمل فيني بس متخوفه لانه احسهم مايظبطون اي من والشعر عندهم حلووو بس بعدد مو نفس لمستة وحيده بالنسبة لي
    عايسة الريس وايد اشوف يمدحونها بس ماشفت شغلها على احد
    معصومه ماك شفت شغلها بس مادققت فيه
    اني ماابي ناعم ناعم وايد ولا كاني عروس ولا دفش
    اختي بزواجها راحت لنهاد وطلعت حلووه وتغيرت واللي غيرها اكثر تسريحة الشعر
    اكثر شيء عجبني عايشة لبلوشي على ثنتين من رفيقاتي شفت شغلها وايد حلوو بس اخاف مااحصلها لانه ماتتحصل الحين
    هذا بالنسبة للحفلة
    ابي للملجة وين صالون حلووو غير رونق
    تسريحات وميكب

    والحنايات من تنصحوني مااتشرط مابي يطلع لي غامق مايخالف ورانا جامعة بتصير وبلوة تطول سالفه القفازات
    ام شهد شفت شغلها بالمنتدى وااايد عاجبني
    ليلى اللي من الصالحية وايد حلو حنت مرت اخوي خطوبه وزواج
    الفاطمتين مال راس رمنان شفت شغلهم بعد
    منيره اللي من الحجر
    سلمى من مدينه عيسى
    منى من السنابس
    زينب اللي من مدينه حمد
    عواطف شهركان
    طبعا ابي اراقام ماعندي ولا رقم احد توني للحين اسال واستفسر ولا عندي ارقام لا للصالونات وارقام الماكيرات والكوافيرات ولا الحنايات

    الاكل بارسرات او بوفيه وين احلى شيء برايكم
    والاسعار طبعا

    التصوير شفت سكوب اللي تطق جبد الواحد على ماينطر متى يطلعون واللي الكل عليه مادري اذا في غير ستيديو نفس مستواه
    صحاري حلووو شغلهم بس متردده فيه احسهم وايد يغيرون في الملامح بالفوتوشوب
    سمعت باستيديو الماسه يقولون نفس سكوب بس ماشفت صورهم

    حفاف من احلى شيء تظبط حواجب مو محفوفين من قبل يعني ترسمهم عدل
    شفت ام محمد الديه تنظف عدل وترسم بعد بس تقعد على الوحده وعرسو بعد اقل اقل شيء 3 ساعات
    ام عباس في الانامل السحريه

    فساتين وجلابيات للمجلة سواء جاهزين او خياط ابي مكان يخيطون حلوو
    الفستان مابي اجار لاني افكر اخيط او اشتري جاهز واللي عنده فكره عن فساتين السعوديه ويه حلووو احصل في هناك
    اني وحده ضعيفه حدي <<< مافي امل امتن قبل الحفله في امل اضعف زود من جدي افكر افصل لي
    بس بعد افكر في لجاهز اذا حصلت في مكان حلو وعجبني



    بس
    واذا عندي سؤال غير بجي اسالكم
    ومشكورين مقدمااا
    والله يتقبل صيامنا وصياكم ويعودنا ان شاء الله




    ام علاوي

  2. #2

    افتراضي

    ية ليش ماحد رد علي 65 قراءة ولا احد رد

  3. #3

    افتراضي

    اي عندي بعد سؤال غير
    سميرة الشكر صالون ميراج في وين يصير وبكم تسوي شعر للعرايس

  4. #4

    افتراضي

    أحلى مكان خيو للتجميل هو مركز سلوى وهي تصير في سوق واقف دوار 1

  5. #5

    افتراضي

    مشكووره خيوو مسكينه على الرد
    حلووو شغل سلوى بس ماحسها تظبط اي من ومتخوفه اروح

    ابي صالون شعر ومكياج مع بعض يفضل
    الشعر ابي بمستوى وحيده وفتيحه اختها
    الصارحه مايسوى اروح لنويدرات بعيييييييد عدل ونطره من 8 الصبح
    ابي صالون غير

    عايشه الريس وايد يمدحون مكياجها بس ماشفتها ابي اسال الشعر عندها في الصالون يسوون حلووو واخر خبر دريته انها الحين في صالون ايلي زاند ابي اعرف الشعر عندهم حلووو او لا

  6. #6

    افتراضي

    لاه إختي

    روحي عيل صالون العفراء

  7. #7
    رئيسة حزب متقاعدة الصورة الرمزية Oriana
    تاريخ التسجيل
    Apr 2002
    الدولة
    زرنوق بيوت العنكريز
    المشاركات
    20,666

    افتراضي


    هلا والله أم علاوي.. والله يبارك في حياتش ويبلغنا رمضان هالسنة وكل سنة

    هداني أني هني خلف شبدتي.. ىمري.. تدللي..

    الممر مال صالة شهرزاد من محل اسمه الكوشة في مدينة عيسى... بس ما ادري توبلي لو جد علي لأن صديقتي اللي تعاملت وياه... وما اعرف السعر كم بس ما كان غالي واجد لأن هي حتى سفرتها أخذتها من عنده...

    بس إذا تبين نصيحتي.. اني عندي شغل مجيد للأفراح (في مدينة عيسى جد علي) أحلى وأفضل
    الصبي ما شاء الله عليه شاطر.. هو اللي سوى ليي كوشتي (المسرح) وسوى ليي زاوية للكيكة.. وسوى ليي ممر وليتات.. وركب زينة بيتنا + تأجرنا منه كرسي الملجة وكراسي للحضور يوم الملجة

    أسعاره حليوة ولكل شي سعر... مسارحه مو غالية وزينة.. وعنده سفر عجم وعنده زينات وعنده سوالف واجد وتقدرين حتى تطلبين طلب خاص ويسويه لش.. نفس مسرحي كان طلب خاص (رسمت له كل شي أمبيه وسواه ليي على الطلب)

    وهذا رقم المحل
    17683188

    صالة قصر المرجان ما رحتها.. بس سمعت ناس يمدحون فيها

    ميك أب حق فستان أبيض.. أحلى شي عندي الناعم وهذا تلاقينه عند
    ميساء القلاف في صالون ازاليا
    معصومة ماك في الرونق
    ابتسام كمال في بيتها في البسيتين
    عايشة ونهاد <<< بس هالأيام ما أشوف عليهم لودة
    هناء الحداد في صالون رسل <<< بس هذي ناعم بزيادة

    الشعر:
    الرونق
    إيلاف عند بدور
    سلوى عند وحدة ناسية اسمها
    زكية في صالون فاطمة شويطر
    فوزية في صالون فاطمة شويطر
    سميرة الشكر كشخة بس دقت بي

    عندش فاطمة من راس رمان... أم بنين وأم حسين وثنتينهم كشخة
    وأني جربت أم حسين بس تكسر الظهر.. بدت فيني من 8 وما خلصت إلا 3 الفجر... قتلتني

    عندش بعد حنة عواطف من المالجية حليو
    حنة ليلى الماحوزي
    رقية وثرية
    نوال أم شهد
    في وحدة من كرانة كلش حليو حناها بس للأسف ما اعرف اسمها أعرف اسم اختها اللي حنتنا احنا العاديين
    وفي وحدة من احدى قرى شارع البديع واسمها طوعة كلش حليو حناها وناعم
    وعندش بهجة من شهركان جنة
    وعندش حنة خلود
    وحنة منيرة

    وترى ما عندي أرقام إلا أم شهد و الفاطمتين وعواطف


    الأكل.. بارسلات وخفايف.. قيصر و حلويات طارق احلى شي عندي لحد ألحين
    بوفيهات كرامي والوسمية شفتهم وعجبوني
    المطاعم الثانية ما عندي فكرة غيري ممكن يفيد

    حفاف.. جربت نسيمة من مدينة حمد
    وجربت أم عباس في الأنامل السحرية..بس عجبني أكثر أم عباس لأن حواجبي عوبان شوي..وهي ما شاء الله عليها أم عباس شغلها في الحفاف دقيق ونظيف عدل

    ام محمد شفته على ناس صدق حليو ونظيف بس اني تعودت على أم عباس فمو حابة اغير

    جلابيات وفساتين
    الزري للجلابيات
    وكبرى القصير
    وأي موديل من مجلة تقدرين تسوينه عن خياط محترف في المنامة لو المحرق لو الرفاع بوكوارة.. المحلات متروسة مالت الجلابيات
    أما الفساتين إذا مال سهرة ما عندي فكرة لأني أخيط.. بس شفت محل اسمه سهرة الشرق في مدينة عيسى ومحل ثاني اسمه جزر الأميرات قريب من كيوي في مدينة عيسى

    فستان الحفلة... إذا عندش وقت وتبين تسوين أوردر.. ترى اتعامل مع مصنع.. وأقدر أجيب لش الفستان بالموديل اللي تبينه وإن شاء الله سعره يكون مناسب لش.. وإذا تبين تتأجرين.. عندي فستان جديد ومو ملبوس بقراطيسه مخلتنه للبيع أو للأجار وموجود عندي في البيت.. إذا انتين ضعيفة فانتين تقدرين تاخذينه وتضيقينه إذا عاجبنش

    ناس واجد تقول شغل السعودية حليو بس اني ما شفت.. ويبي ليش تدورين واجد لأن ذوق السعوديين غير عن ذوقنا

    بطرش لش الصور على الخاص واختاري الموديل اللي يعجبش وإذا عندش موديل في صورة خاطرش فيه عطيني اياه وبسوي عليه اوردر ويتفصل حسب مقاساتش ضبط وشرط يعجبش


    الله يبارك لش والله يوفق لش ويسهل عليش كل أمورش



    وحبٍ قويٍ مثل قصرٍ له أبواب .. لو هبّ عاتيْ الريح ما اهتز بابه

  8. #8

    افتراضي

    مشكوووووووره بعد جبدي ارون كفيتي الصراحه

    بس من رايج ابي صالون فنينه في واحد غير رونق نطعه ونطره من الصبح >>> يازعم تبي تنام لانه
    وبعيد نويدرات

    واذا صار صالونين ابيهم قراب شوي من بعد
    وشنو رايكم بصالون ايلاف للميكياج حلو لو لا دام الشعر فيه حلووو طبعا يازنوب او امها فردوس
    وايد يمدحون عايشه الريس ابي اروح اشوف مكياجها واهي في ايلي زاند بمدينه عيسى كانه اذا جدي ابي مكان شعر قريب منها حلووو اذا شعرهم مو حلو
    خيوو ارون ابي الارقام اللي عندش كلها
    كتبي لي الاسم والرقم
    والاسعار اذا تعرفينها بعد

  9. #9

    افتراضي

    أم علاوي أكو ما قصروا الجماعه
    اني مو داك الزود في سوالف الميك أب لأن ما جربت واجد ناسات ..
    بس عندي ملاحظة عن ميكب عايشة البلوشي وبناتها بعد حليو يسوون وعندش عايشة الريس ... ثنتينهم روعة ..
    بس عايشة الريس يمبا لش بعد تروحين صالون ثاني حق الشعر ..

    الرونق حليو ميك وشعر ..

    الحفاف .. نسيمة مدينة حمد ..
    وصالون لطيفة .. وردة

    الحنة .. مو صوبي بتات البتة
    لو أشوف أحلى زمانها في الحنة .. ما بعرف منهي حليو ومنهي كريه ومنهي عادي ..
    لأني ما أحب الحنة
    وأن تحنيت لازم نااااااااعم .. ما احب تنترس للكوع والرجول للركبة
    بس اكثر شئ يمدحون فاطمة من راس رمان وأم شهد ..

    والله يبارك لش خيوتي ويوفقش وتتيسر أمورش بحق الشهر الفضيل

  10. #10

    افتراضي

    اني في بالي كان اروح عند عايشه لبلوشي ميكب <<< واللي مااعتقد احصلها
    والشعر عند وحيده بس والله بعيد >>> تخاف يتحجج عليها بو الشباب
    اختي في عرسها راحت لنهاد الميكب والشعر فتحيه وبعدين عدلتها وحيده بس طلعت حلوه حلوه الصلاة على النبي
    فقلت اني ابي اغير بعد
    واذا ضاقت كلش بروح رونق شعر وميكب
    بس ابي رايكم في صالونات غير
    سلوى حلووو ويعجبني وتغيرت طريقتها في المكياج صاار حلووو خصوصا للعرايس فساتين ابيض بس متخوفه ماتظبطني اهي وفردوس لانه الصالونين شعرهم حلوووو

    يلا همتكم بناات
    على المخطط عندي في حدود الخمس الى ست شهور >>> حشى مو جهاز ها

    فيعني اني قلت ابي اخطط لكل من الحين من المكان والاسعار عشان وقت اللي بحجز خلاص مايحتاج افكر وايد <<< عياره حدي

  11. #11
    رئيسة حزب متقاعدة الصورة الرمزية Oriana
    تاريخ التسجيل
    Apr 2002
    الدولة
    زرنوق بيوت العنكريز
    المشاركات
    20,666

    افتراضي



    يوووووو... عادي خيو.. أني خطوبتي كنت أجهز 6 أشهر! وصدقيني ولا يكفيش.. يعني اني لو بيهدوني بعد ما بيكفيني

    خيو الرونق مكفي وموفي لأن فيه كل الماكييرات الزينين واحسن الكوافيرات للشعر

    سلوى عندهم شعر ومكياج حليوين بس سلوى مزاجية واني ما احب اروح لوحدة تعدلني على مزاجها

    فردوس بعد مزاجية وتعدل الوحدة على مزاجها ومكياجها ترى سموك ناعم يعني إذا تدورين على تميز يبي ليش احد غير

    صالون ازاليا عند ميساء القلاف يقولون الفلبينيات عندهم زينين بس اني ما جربت

    عندش صالون صفاء.. في وحدة تسوي الشعر كلش حليو هناك وتسوي لش اللي تبينه.. بس اني صفاء ما انصحها لزواج.. خطوبة اوكي بس زواج وفستان ابيض لا

    ابتسام كمال اذا بتروحين ليها روحش الشعر صالون لولو في المحرق قريب ليها تطلعين وتروحين بيتها

    سميرة الشكر في صالون مرياج في سند.. يعني شوفي انتين بعد وحظش واللي وياها ياسمين حليو شغلها بعد

    وفوزية وزكية وفاطمة فكري.. في صالون فاطمة شويطر في الرفاع
    تقدرين تاخذين وحدة منهم وتشوفين منيرة سبت أو فاطمة شويطر أو صفية شويطر
    بس اني مو كلش يعجبني مكياجهم.. مع انهم يسوون الناعم ويسوون الثقيل وناس واجد يعجبهم

    أما عن الأرقام طرشتهم لش
    والحنايات الكل يقول احلى شي فاطمة من راس رمان أم بنين
    بس اني جربت أم حسين وكان حناها دقيييييييييق بشكل مو طبيعي الخط اللي ترسمه جنه مرسوم بمسطرة! وعجبني نقشها عدل
    أم شهد جربتها في عادي وشفت حناها على عروس حليو بس عندي ام حسين احلى
    رقية وثرية فخم حناهم وغااااااااااااااامق عدل
    واللي قلت لش عنها من كرانة وناسية اسمها بس اختها اسمها زهرة كشخة عدل وحليو
    عواطف شفت حناها على بت خالي حليو كلش بس عيبه ما يصبغ يقولون.. وشفته على عروس غير ما عجبني!
    منيرة كله تسوي حركات جرات وأقفاص عصافير

    التعديل الأخير تم بواسطة : Oriana بتاريخ 15-09-08 الساعة 01:37 PM

    وحبٍ قويٍ مثل قصرٍ له أبواب .. لو هبّ عاتيْ الريح ما اهتز بابه

  12. #12

    افتراضي

    مشكووووره خيوو ارون عندي من الحين للين مايتحدد يوم الحفله وبعده بعد بجننش شوي وياي
    كلكم عفر بجننكم
    الحين سؤال سميره الشكر صالون ميراج في سند شغلها ماشفته ابي اشوف شغلها للشعر
    وعايشه الريس اللي الكل يمدحها بيكون في ايلي زاند في جد علي يعني شوي قرييييببين من بعض اذا قررت اروح هالاثنين

    اول وحده شفت شغل عايشه لبلوشي على رفيقتي في الجامعه حدها روعه طلعت
    والثانيه رفيقتي اللي ماعمرها حطت لها ميكب حتى في الحفلات اللي تصير عندهم طلعت رهيييييييييبه
    وطبعا الشعر وحيده لمساتها وايد حلوووه تعجبني
    شفت شغل بدور في ايلاف على رفيقتي في خطوبتها حلوووه كانت بس مافيها اكسسوارات فيها ابداع بس من ورى الجدنات اللي مطلعين التسريحه حلوه
    اما غير ماشفت
    شفت شغل نوريه في سلوى الصراحه احسه احلى من بدور في ابداع شوي
    سهام في العفراء يمدحونه بس ماشفت شغلها
    ووسميرة الشكر بعد ماشفتها

    اختي في زواجها صدق صايره تسريحتها مثل رفيقتي في حفلتها تقريبا بس اني ماانتبها الا بعد سنه وشيء يوم شفت فيديو حفله رفيقتي
    اختي اول ماشفتها في الاستيديو بالصدفه صرنا ويه بعض التقينا شفتها ماشاء الله قلت احس التغير اللي صار كله في التسريحه
    الميكب نهاد حلوو مو حلووو وعجبني عدل يعني غيرها بعد
    بس عايشه لبلوشي عندي احلى من نهاد
    شغل معصومه وفاطمة البنانيه ماشفته
    اسوي الى اختي يبي لي الافف على كل الماكيرات واشوف شغلهم واللي يعجبني بروحها
    بس العيب انه يكون الشعر حلو والميكب مو حلو ولا الميكب حلو والشعر مو حلووو يسوون
    فرونق منقذ الكل شعر وميكب
    اهو ويه سلوى
    بس ثنينهم فيهم عيوب رونق نطره من صباحة الله وارقام
    وسلوى معامله زفته

    وبعد للملجه وين برايكم صالون اروح
    يمدحون في نهله شعر وميكب بس ماشفته
    الاميره شفت تساريحهم حلوووييين
    ابي صالون بعد غير

  13. #13

    افتراضي

    يلالالا وينكم فتيااات كل وحده تجي تقول رايها

  14. #14

    افتراضي

    السلام عليكم


    ماجورين

    ممكن رقم ابتسام كمال عجزت واني ادوره مو محصلتنه

    وشي ثاني
    في رايكم اي احلى مكياج ابتسام كمال لو عايشة الريس الى عادي وحفلة بسيطة؟


    وشكرا

  15. #15

الصفحة 1 من 2 12 الأخيرةالأخيرة

معلومات عن الموضوع

الأعضاء الذين يتصفحون هذا المواضوع

هناك الآن 1 أعضاء يتصفحون هذا الموضوع. (0 أعضاء 1 زائرين)

المواضيع المتشابهه

  1. أريد مشورتكم لصديقي
    By العربي in forum ملتقى الأسرة والمجتمع
    مشاركات: 15
    آخر مشاركة: 01-05-08, 01:01 AM
  2. ..:: موسوعة تجهيزات الزفاف ::..
    By عصفووورة in forum ملتقى الهوايات والأعمال اليدوية
    مشاركات: 16
    آخر مشاركة: 21-07-06, 02:50 PM
  3. مشورتكم شباب في لاب توب
    By ابو تراب1 in forum ملتقى الكمبيوتر والنظم المعلوماتية
    مشاركات: 8
    آخر مشاركة: 28-02-06, 07:10 AM
  4. عاجل: تجهيزات سبيدنت
    By مبتدئ in forum ملتقى الكمبيوتر والنظم المعلوماتية
    مشاركات: 3
    آخر مشاركة: 02-04-03, 08:07 PM
  5. السيدي رايتر إل جي CD Writer LG (أريد مشورتكم يا شباب)
    By araby in forum ملتقى الكمبيوتر والنظم المعلوماتية
    مشاركات: 17
    آخر مشاركة: 17-01-03, 09:07 PM

المفضلات

المفضلات

تعليمات المشاركة

  • لا تستطيع نشر مواضيع جديدة
  • لا تستطيعنشر ردود
  • لا تستطيع إرفاق المرفقات
  • لا تستطيع تعديل مشاركاتك
  •