هذي الباجة بالصور
طبق الباجة جايتني على الايميل

ادري ان هناك اشخاص ماتحب هذه الطبخة وتلوع جبدها
صبحكم ومساكم الله بالخير
يالله الي يحب الباجة ومايعرف يسويها جبنالكم الطريقة وبالصور
نبتدي....
أول شي نبدي بالمقادير :
آنه ماراح أحدد كمية معينة لأنه يختلف عالكمية اللي تبون تسوونها فمثلاً اللي بسويه يكفي عالأقل 4 إلى 5 أشخاص
راس خروف ويكون منظف


بطاط ولازم تكون الكمية تكفي طبعاً وتقطعونه حجم كبير عشان لايذوب
( ترى مو لازم نخلي بطاطش بس مادري هم ليش حاطينها او من بلد لبلد ترى تختلف )



نخي ويستحسن معلبات واهي الصورة بعد ماقطعت البطاط وحطت النخي



لومي أسود (حسب الرغبة)


زيت (بس حطوا شوية لأنه بروحها الباچة دسمة)
بصل وثوم
بهارات وطبعاً البهارات على هواكم بس الافضل بهارات مشكلة مع شوي فلفل أسود ونتفه كاري وكمون وكزبرة مطحونة


بعدين نظيف ماي لمن يغطي الراس ونحط الجدر عالنار



ونطول عالنار
لمن نشوف الماي بدى يفور



نقصر طبعاً عليه ونخليه يطبخ على كيف كيفه مابين ساعتين ونص إلى 3 ساعات ونص وماننسى إنه بين فترة وفترة نطل عليه عشان نشوف إذا كمية الماي كافية ولا لأ

وبعد مضي 3 ساعات ونص نبطل راس الجدر



خلاص استوى







تقدمون الباجة مع تشريب خبز ايراني بس للأسف مافية صوره له
هني وعافية .. ولا تستحون إذا ما تحبون الباجة إنكم تتغدون عيش لوبة
ملحوظة : احد ذويقة الباجة قال إنه جدر الضغط أحسن بالطباخ فإذا تبون تاخذون بنصيحته

صحتين